خم نہ بن کر خود غرض ہو جائیے

خم نہ بن کر خود غرض ہو جائیے

مثل ساغر اور کے کام آئیے

ابر رحمت سنتے ہیں نام آپ کا

خاکساروں پر کرم فرمائیے

آپ آہو چشم ہیں آہو نہیں

ہم سے وحشت کی نہ لیجے آئیے

صبر رخصت ہو تو جانے دیجئے

بے قراری آئے تو ٹھہرائیے

جوہر تیغ نگہ کھل جائے گا

منہ نہ میرے زخم کا کھلوایئے

دل میں ہے دکھلائیے تاثیر عشق

ٹھنڈی سانسوں سے انہیں گرمائیے

سرد آہیں بھرتے ہیں جب ہم نسیمؔ

کہتے ہیں وہ ٹھنڈے ٹھنڈے جائیے

kham na ban kar khud gharaz ho jaiye

misl-e-saghar aur ke kam aiye

abr-e-rahmat sunte hain nam ap ka

khaksaron par karam farmaiye

ap ahu chashm hain ahu nahin

ham se wahshat ki na lije aiye

sabr rukhsat ho to jane dijiye

be qarari ae to thahraiye

jauhar-e-tegh-e-nigah khul jaega

munh na mere zakhm ka khulwaiye

dil mein hai dikhlaiye tasir-e-ishq

thandi sanson se unhen garmaiye

sard ahen bharte hain jab ham nasim

kahte hain wo thande thande jaiye