خط نے آ کر کی ہے شاید رحم فرمانے کی عرض

خط نے آ کر کی ہے شاید رحم فرمانے کی عرض

تب تو اب سنتا ہے ہنس کر مجھ سے دیوانے کی عرض

شام غربت ہم سے مجروحوں کی ہے فریاد رس

زلف کی چھاتی پھٹی ہے سنتے ہی شانے کی عرض

بوسۂ لعل بتاں جو لے سو ہو بے آبرو

اتنی ہی خدمت میں مستوں کی ہے پیمانے کی عرض

گوش گل میں سب پھپھولے پڑ گئے شبنم کے ہاتھ

آگ تھی بلبل کی فریادوں کے افسانے کی عرض

فصل گل آتے ہی عزلتؔ دل زبان آہ سے

میری خدمت میں کرے ہے دشت میں جانے کی عرض

khat ne a kar ki hai shayad rahm farmane ki arz

tab to ab sunta hai hans kar mujh se diwane ki arz

sham-e-ghurbat ham se majruhon ki hai fariyad ras

zulf ki chhati phati hai sunte hi shane ki arz

bosa-e-laal-e-butan jo le so ho be abru

itni hi khidmat mein maston ki hai paimane ki arz

gosh-e-gul mein sab phphule par gae shabnam ke hath

ag thi bulbul ki fariyadon ke afsane ki arz

fasl-e-gul ate hi uzlat dil-e-zaban-e-ah se

meri khidmat mein kare hai dasht mein jane ki arz