داغ سینے پہ جو ہمارے ہیں

داغ سینے پہ جو ہمارے ہیں

گل کھلائے ہوئے تمہارے ہیں

ربط ہے حسن و عشق میں باہم

ایک دریا کے دو کنارے ہیں

کوئی جدت نہیں حسینوں میں

سب نے نقشے ترے اتارے ہیں

تیری باتیں ہیں کس قدر شیریں

تیرے لب کیسے پیارے پیارے ہیں

جس طرح ہم نے راتیں کاٹی ہیں

اس طرح ہم نے دن گزارے ہیں

dagh sine pe jo hamare hain

gul khilae hue tumhare hain

rabt hai husn-o-ishq mein baham

ek dariya ke do kinare hain

koi jiddat nahin hasinon mein

sab ne naqshe tire utare hain

teri baten hain kis qadar shirin

tere lab kaise pyare pyare hain

jis tarah ham ne raten kati hain

is tarah ham ne din guzare hain