دامان کوہ میں جو میں ڈاڑھ مار رویا

دامان کوہ میں جو میں ڈاڑھ مار رویا

اک ابر واں سے اٹھ کر بے اختیار رویا

پڑتا نہ تھا بھروسا عہد وفاے گل پر

مرغ چمن نہ سمجھا میں تو ہزار رویا

ہر گل زمین یاں کی رونے ہی کی جگہ تھی

مانند ابر ہر جا میں زار زار رویا

تھی مصلحت کہ رک کر ہجراں میں جان دیجے

دل کھول کر نہ غم میں میں ایک بار رویا

اک عجز عشق اس کا اسباب صد الم تھا

کل میرؔ سے بہت میں ہو کر دو چار رویا

daman-e-koh mein jo main darh mar roya

ik abr wan se uth kar be ikhtiyar roya

parta na tha bharosa ahd-e-wafae gul par

murgh-e-chaman na samjha mein to hazar roya

har gul zamin yan ki rone hi ki jagah thi

manind-e-abr har ja mein zar zar roya

thi maslahat ke ruk kar hijran mein jan dije

dil khol kar na gham mein main ek bar roya

ik ijz ishq us ka asbab-e-sad alam tha

kal mir se bahut mein ho kar do char roya