خیال ناوک مژگاں میں بس ہم سر پٹکتے ہیں

خیال ناوک مژگاں میں بس ہم سر پٹکتے ہیں

ہمارے دل میں مدت سے یہ خار غم کھٹکتے ہیں

رخ روشن پہ اس کی گیسوئے شب گوں لٹکتے ہیں

قیامت ہے مسافر راستہ دن کو بھٹکتے ہیں

فغاں کرتی ہے بلبل یاد میں گر گل کے اے گلچیں

صدا اک آہ کی آتی ہے جب غنچے چٹکتے ہیں

رہا کرتا نہیں صیاد ہم کو موسم گل میں

قفس میں دم جو گھبراتا ہے سر دے دے پٹکتے ہیں

اڑا دوں گا رساؔ میں دھجیاں دامان صحرا کی

عبث خار بیاباں میرے دامن سے اٹکتے ہیں

khayal nawak-e-mizhgan mein bas ham sar patakte hain

hamare dil mein muddat se ye khar-e-gham khatakte hain

rukh-e-raushan pe us ki gesu-e-shab gun latakte hain

qayamat hai musafir rasta din ko bhatakte hain

fughan karti hai bulbul yad mein gar gul ke ai gulchin

sada ik ah ki ati hai jab ghunche chatakte hain

raha karta nahin sayyad ham ko mausam-e-gul mein

qafas mein dam jo ghabrata hai sar de de patakte hain

ura dunga rasa mein dhajjiyan daman-e-sahra ki

abas khar-e-bayaban mere daman se atakte hain