داغ جنوں دماغ پریشاں میں رہ گیا
وزیر علی صبا لکھنؤیداغ جنوں دماغ پریشاں میں رہ گیا
دامن میں خار چاک گریباں میں رہ گیا
جب دو قدم جنوں میں مرا ساتھ ہو گیا
پھیلا کے پاؤں قیس بیاباں میں رہ گیا
ابروئے یار سے جو بہت منفعل ہوا
منہ ڈال کر ہلال گریباں میں رہ گیا
تقلید بن پڑی نہ تمہاری خرام کی
طاؤس لڑکھڑا کے گلستاں میں رہ گیا
آئی بہار اور نہ چھوٹا میں اے جنوں
کیسا تڑپ کے خانۂ زنداں میں رہ گیا
تودہ قضا نے ناوک جلاد کا کیا
میں ڈھیر ہو کے گنج شہیداں میں رہ گیا
کیا حادثہ پڑا مرے یوسف پر اے صباؔ
دل گر کے ان کی چاہ زنخداں میں رہ گیا
dagh-e-junun dimagh-e-pareshan mein rah gaya
daman mein khar chak-e-gareban mein rah gaya
jab do qadam junun mein mira sath ho gaya
phaila ke paon qais bayaban mein rah gaya
abru-e-yar se jo bahut munfail hua
munh dal kar hilal-e-gareban mein rah gaya
taqlid ban pari na tumhari khiram ki
taus larkhara ke gulistan mein rah gaya
ai bahar aur na chhota mein ai junun
kaisa tarap ke khana-e-zindan mein rah gaya
tauda qaza ne nawak-e-jallad ka kiya
main dher ho ke ganj-e-shahidan mein rah gaya
kya hadisa para mire yusuf par ai saba
dil gir ke un ki chah-e-zanakhdan mein rah gaya