خیال گل بدن آ کر بسا ہو جس کے پہلو میں

خیال گل بدن آ کر بسا ہو جس کے پہلو میں

وہ بوئے غنچۂ گل کو نہیں گنتا کسی بو میں

تعجب نیں ہے اس کی آب سے بوئے گلاب آئے

پڑے گر عکس اس گل رو کے رو کا جس لب جو میں

مقابل ہو ہمارے کسب تقلیدی سے کیا طاقت

ابھی ہم محو کر دیتے ہیں آئینہ کو اک ہو میں

ہے کس کے زلف کا سودا تجھے اے عشق بتلا دے

ہمیشہ عطر عنبر کی سی بو آتی ہے تجھ خو میں

khayal-e-gul badan a kar basa ho jis ke pahlu mein

wo bu-e-ghuncha-e-gul ko nahin ginta kisi bu mein

taajjub nain hai us ki ab se bu-e-gulab ae

pare gar aks us gul ru ke ro ka jis lab jo main

muqabil ho hamare kasb taqlidi se kya taqat

abhi ham mahw kar dete hain aina ko ik ho main

hai kis ke zulf ka sauda tujhe ai ishq batla de

hamesha itr ambar ki si bu ati hai tujh khu mein