خانقاہ و دیر میں جاتے ہیں ہم

خانقاہ و دیر میں جاتے ہیں ہم

ڈھونڈھتے جو ہیں نہیں پاتے ہیں ہم

جب سے عریانی ہوا اپنا لباس

جامے سے باہر ہوئے جاتے ہیں ہم

اور بڑھتا ہے انہیں شوق جفا

آنکھ میں آنسو جو بھر لاتے ہیں ہم

وہ جفا کر کے نہیں ہوتے خجل

یاں گلہ کرنے سے شرماتے ہیں ہم

ہم سے بڑھ کر کوئی دیوانہ نہیں

دل سے دیوانہ کو سمجھاتے ہیں ہم

khanqah-o-dair mein jate hain ham

dhundhte jo hain nahin pate hain ham

jab se uryani hua apna libas

jame se bahar hue jate hain ham

aur barhta hai unhen shauq-e-jafa

ankh mein ansu jo bhar late hain ham

wo jafa kar ke nahin hote khajil

yan gila karne se sharmate hain ham

ham se barh kar koi diwana nahin

dil se diwana ko samjhate hain ham