حیف دل میں ترے وفا نہ ہوئی
اشرف علی فغاںحیف دل میں ترے وفا نہ ہوئی
کیوں تری چشم میں حیا نہ ہوئی
یار نے نامہ بر سے خط نہ لیا
میری خاطر عزیز کیا نہ ہوئی
رہ گیا دور تیرے کوچہ سے
خاک بھی میری پیش پا نہ ہوئی
کٹ گئی عمر میری غفلت میں
کچھ تری بندگی ادا نہ ہوئی
دود دل تیری زلف تک پہنچے
آہ یاں تک مری رسا نہ ہوئی
چشم خوں خوار سے فغاںؔ دیکھا
دل بیمار کو شفا نہ ہوئی
haif dil mein tire wafa na hui
kyun tiri chashm mein haya na hui
yar ne nama bar se khat na liya
meri khatir aziz kya na hui
rah gaya dur tere kucha se
khak bhi meri pesh-e-pa na hui
kat gai umr meri ghaflat mein
kuchh tiri bandagi ada na hui
dud-e-dil teri zulf tak pahunche
ah yan tak miri rasa na hui
chashm-e-khun khwar se fughan dekha
dil-e-bimar ko shifa na hui