خال مشاطہ بنا کاجل کا چشم یار پر

خال مشاطہ بنا کاجل کا چشم یار پر

زاغ کو بہر تصدق رکھ سر بیمار پر

مجھ کو رحم آتا ہے دست نازک دل دار پر

میں ہی رکھ دوں گا گلا اے ہمدمو تلوار پر

بے سویدا ہاتھ دل مت ڈال زلف یار پر

ماش پہلے پڑھ کے منتر پھینک روئے یار پر

گر حفاظت رخ کی ہے منظور تو مٹوا نہ خط

باغباں رکھتا ہے کانٹے باغ کی دیوار پر

کون کہتا ہے کہ سبزہ آگ پر اگتا نہیں

خط ہے پیدا یار کے دیکھو رخ گلنار پر

دیکھ مژگاں پر مری طغیانی سیل سرشک

نوح کا طوفاں نہ دیکھا ہووے جس نے خار پر

جس کو دیکھا ہی نہیں اس کے وطن میں قدر خاک

باغ سے ہو کر جدا پہنچے ہے گل دستار پر

حق اگر پوچھو تو اعجاز سر منصور تھا

ورنہ لگنا تھا تعجب پھل کا نخل دار پر

khal-e-mashshata bana kajal ka chashm-e-yar par

zagh ko bahr-e-tasadduq rakh sar-e-bimar par

mujh ko rahm ata hai dast-e-nazuk dil dar par

main hi rakh dunga gila ai hamdamo talwar par

be suwaida hath dil mat dal zulf-e-yar par

mash pahle parh ke mantar phenk ru-e-yar par

gar hifazat rukh ki hai manzur to mitwa na khat

baghban rakhta hai kante bagh ki diwar par

kaun kahta hai ke sabza ag par ugta nahin

khat hai paida yar ke dekho rukh-e-gulnar par

dekh mizhgan par miri tughyani sail-e-sarishk

nuh ka tufan na dekha howe jis ne khar par

jis ko dekha hi nahin us ke watan mein qadr khak

bagh se ho kar juda pahunche hai gul dastar par

haq agar puchho to ejaz-e-sar-e-mansur tha

warna lagna tha taajjub phal ka nakhl-e-dar par