خبر کچھ ایسی اڑائی کسی نے گاؤں میں

خبر کچھ ایسی اڑائی کسی نے گاؤں میں

اداس پھرتے ہیں ہم بیریوں کی چھاؤں میں

نظر نظر سے نکلتی ہے درد کی ٹیسیں

قدم قدم پہ وہ کانٹے چبھے ہیں پاؤں میں

ہر ایک سمت سے اڑ اڑ کے ریت آتی ہے

ابھی ہے زور وہی دشت کی ہواؤں میں

غموں کی بھیڑ میں امید کا وہ عالم ہے

کہ جیسے ایک سخی ہو کئی گداؤں میں

ابھی ہے گوش بر آواز گھر کا سناٹا

ابھی کوشش ہے بڑی دور کی صداؤں میں

چلے تو ہیں کسی آہٹ کا آسرا لے کر

بھٹک نہ جائیں کہیں اجنبی فضاؤں میں

دھواں دھواں سی ہے کھیتوں کی چاندنی باقیؔ

کہ آگ شہر کی اب آ گئی ہے گاؤں میں

khabar kuchh aisi urai kisi ne gaon mein

udas phirte hain ham beriyon ki chhaon mein

nazar nazar se nikalti hai dard ki tisen

qadam qadam pe wo kante chubhe hain paon mein

har ek samt se ur ur ke ret ati hai

abhi hai zor wahi dasht ki hawaon mein

ghamon ki bhir mein ummid ka wo alam hai

ke jaise ek sakhi ho kai gadaon mein

abhi hai gosh bar awaz ghar ka sannata

abhi koshish hai bari dur ki sadaon mein

chale to hain kisi ahat ka asra le kar

bhatak na jaen kahin ajnabi fazaon mein

dhuan dhuan si hai kheton ki chandni baqi

ke ag shahr ki ab a gai hai gaon mein