ایک کہانی اور سنا دو ایک کہانی اور
افسر میرٹھیایک کہانی اور سنا دو ایک کہانی اور
ایک کہانی ایک کہانی اچھی نانی اور
لال پری آکاش سے اتری
پریوں کے راجا کی پتری
ایک محل کے چھت پر آئی
چھت پر ناچی چھت پر گائی
یہ تو بتا دو اس نے دل میں کیا تھی ٹھانی اور
ایک کہانی ایک کہانی اچھی نانی اور
ملا نصرالدین کہاں ہیں
کیا وہ کسی کے پھر مہماں ہیں
ان کی باتیں کہہ کے ہنسا دو
ایک دفعہ پھر آج ہنسا دو
عقل کو شرما دینے والی اک نادانی اور
ایک کہانی ایک کہانی اچھی نانی اور
بال جلا کر دیو بلاؤ
اس سے کہو اک محل بناؤ
محل میں لاکھوں پریاں آئیں
اور محل لے کر اڑ جائیں
بڑھ جائے جس سے ہماری کچھ حیرانی اور
ایک کہانی ایک کہانی اچھی نانی اور
ek kahani aur suna do ek kahani aur
ek kahani ek kahani achchhi nani aur
lal pari akash se utri
pariyon ke raja ki pattari
ek mahal ke chhat par ai
chhat par nachi chhat par gai
ye to bata do us ne dil mein kya thi thani aur
ek kahani ek kahani achchhi nani aur
mila nasralddain kahan hain
kya wo kisi ke phir mehman hain
un ki baten kah ke hansa do
ek dafa phir aj hansa do
aql ko sharma dene wali ik nadani aur
ek kahani ek kahani achchhi nani aur
bal jala kar dew bulao
us se kaho ik mahal banao
mahal mein lakhon pariyan aen
aur mahal le kar ur jaen
barh jae jis se hamari kuchh hairani aur
ek kahani ek kahani achchhi nani aur