خدا کی قسم پھر تو کیا خیر ہووے

خدا کی قسم پھر تو کیا خیر ہووے

ہم اور تم اکیلے ہوں اور سیر ہووے

کریں غیر کا شکوہ کس طور پھر ہم

نہ اپنے سوا جب کوئی غیر ہووے

زیارت کریں دل میں کعبے کی اپنے

جو مجھ سا کوئی ساکن دیر ہووے

ملے ایسے زردار سے کس کی جوتی

نہ تیار جس سے ترا پیر ہووے

اگر خامشی کو میں گویائی لکھوں

تو دیواں مرا منطق الطیر ہووے

ہوا خصم جاں مصحفیؔ وہ تو تیرا

نہ انساں کو انسان سے بیر ہووے

khuda ki qasam phir to kya khair howe

ham aur tum akele hun aur sair howe

karen ghair ka shikwa kis taur phir ham

na apne siwa jab koi ghair howe

ziyarat karen dil mein kaabe ki apne

jo mujh sa koi sakin-e-dair howe

mile aise zardar se kis ki joti

na tayyar jis se tira pir howe

agar khamushi ko main goyai likhun

tu diwan mira mantiq alttair howe

hawa khasm-e-jan mushafi wo to tera

na insan ko insan se bair howe