خدا کسی کوں کسی ساتھ آشنا نہ کرے

خدا کسی کوں کسی ساتھ آشنا نہ کرے

وگرنہ یار کوں عاشق سوں بے وفا نہ کرے

بھلی ہوائے قیامت عذاب حشر کی صلح

ولے کسی کو خدا کس کا مبتلا نہ کرے

سن التماس نہ کر اب سوں توں جدا مجھ کو

رلا نہ ہنس کے توں کہہ کہہ اجی خدا نہ کرے

کسی صنم کوں اے زاہد توں دل نہ دے بوجھا

وہ بندہ کیا جو مقرر کوئی خدا نہ کرے

تری نگاہ خنک نے جو دل سوں گرمی کی

کلی اوپر یہ نوازش کبھو صبا نہ کرے

لگا چرانے وہ قصاب ہم سوں خنجر چشم

ہمارے حق میں کوئی خیر کی دعا نہ کرے

محیط یاس میں تم نے ڈبائی کشتئ دل

خدا کسی کوں خدا فہم نا خدا نہ کرے

چمن میں دیکھ کہا مجھ کو پی نے آنکھ دکھا

مریض عشق کی دارو یہی دوا نہ کرے

کسی کوں حق نہ کرے شام ہجر یار کی شمع

کسے بغیر اجل رنجۂ فنا نہ کرے

دیا پتنگ کوں گرم الفتی سوں سوزاں ہے

وہ جز دعا دل عاشق بنے دعا نہ کرے

جو تیغ ابروئے جاناں کا سایا پرور ہے

وہ عزلتؔ آرزوئے شہپر ہما نہ کرے

khuda kisi kun kisi sath ashna na kare

wagarna yar kun ashiq sun be wafa na kare

bhali hawa-e-qayamat azab hashr ki sulh

wale kisi ko khuda kis ka mubtala na kare

sun iltimas na kar ab sun tun juda mujh ko

rula na hans ke tun kah kah aji khuda na kare

kisi sanam kun ai zahid tun dil na de bujha

wo banda kya jo muqarrar koi khuda na kare

tiri nigah-e-khunuk ne jo dil sun garmi ki

kali upar ye nawazish kabhu saba na kare

laga churane wo qassab ham sun khanjar chashm

hamare haq mein koi khair ki dua na kare

muhit-e-yas mein tum ne dabbai kashti-e-dil

khuda kisi kun khuda fahm na khuda na kare

chaman mein dekh kaha mujh ko pi ne ankh dikha

mariz-e-ishq ki daru yahi dawa na kare

kisi kun haq na kare sham-e-hijr-e-yar ki shama

kise baghair ajal ranjhu-e-fana na kare

diya patang kun garm alfata sun sozan hai

wo juz dua dil-e-ashiq bane dua na kare

jo tegh-e-abru-e-janan ka saya parwar hai

wo uzlat arzu-e-shahpar huma na kare