خدا شاہد بتو دو جگ سے یہ سودا ہے نروالا

خدا شاہد بتو دو جگ سے یہ سودا ہے نروالا

میں دو بادام چشم لطف پر دل بیچنے والا

دونو عالم سے مشرب مست وحدت کا ہے نروالا

مرے ایک ہاتھ میں تسبیح ہے اک ہاتھ میں پیالا

نہیں اس سال وہ خونیں نین بھورے الک والا

لگو لالا کو آگ اور ہو جو نا فرماں کا منہ کالا

وہ شیریں لب کا بوسہ کیونکے چھوڑے مجھ سا متوالا

کہ جوں لالہ بچھڑتے اس دہن سے داغ ہو پالا

نہیں فارغ میں بعد از مرگ بھی سوز محبت سے

مرا خوں دامن قاتل میں ہوگا داغ جوں لالا

وہ نا فرماں بنا خون جگر سے مے نہ پی عزلت

کباب دل کی بو آتی ہے ہر پیالے سے جوں لالا

khuda shahid buto do jag se ye sauda hai nirwala

main do badam chashm-e-lutf par dil bechne wala

dauno alam se mashrab mast wahdat ka hai nirwala

mire ek hath mein tasbih hai ik hath mein piyala

nahin is sal wo khunin nain bhure ilak wala

lago lala ko ag aur ho jo na farman ka munh kala

wo shirin lab ka bosa kyunke chhore mujh sa matwala

ke jun lala bichharte is dahan se dagh ho pala

nahin farigh mein baad az marg bhi soz-e-mohabbat se

mira khun daman-e-qatil mein hoga dagh jun lala

wo na farman bana khun-e-jigar se mai na pi uzlat

kabab-e-dil ki bu ati hai har pyale se jun lala