خدا کے واسطے اے یار ہم سیں آ مل جا

خدا کے واسطے اے یار ہم سیں آ مل جا

دلوں کی کھول گھنڈی غنچے کی طرح کھل جا

جگر میں چشم کے ہوتیاں ہیں داغ تب پتلیاں

نظر سیں اوٹ ترا گال جب کہ اک تل جا

جنوں کے جام کوں لے شیشۂ شراب کو توڑ

خرد گلی سیں پری پیکراں کی بیدل جا

انکھیوں سیں جان بچانا نظر تب آتا ہے

تڑپھ میں چھوڑ کے بسمل کو جب کہ قاتل جا

حیا کوں غیر سوں مت گرم مل کے دے برباد

نہ ہو کہ آبروؔ اس طرح خاک میں مل جا

khuda ke waste ai yar ham sin a mil ja

dilon ki khol ghindi ghunche ki tarah khul ja

jigar mein chashm ke hotiyan hain dagh tab putliyan

nazar sin ot tira gal jab ke ik til ja

junun ke jam kun le shisha-e-sharab ko tor

khirad gali sin pari paikaran ki bedil ja

ankhiyon sin jan bachana nazar tab ata hai

taraph mein chhor ke bismil ko jab ke qatil ja

haya kun ghair sun mat garm mil ke de barbad

na ho ke abru is tarah khak mein mil ja