جور کب تک سہا کرے کوئی

جور کب تک سہا کرے کوئی

صبر کب تک کیا کرے کوئی

کہیں دشمن بھی دوست ہوتے ہیں

تم نہ سمجھو تو کیا کرے کوئی

تم بڑے پارسا سہی لیکن

بد گمانی کو کیا کرے کوئی

دے کے دل تم کو جان سے جاتے

پھر تمہیں لے کے کیا کرے کوئی

دل اگر ہو کسی کا کہنے میں

کیوں کسی کی سنا کرے کوئی

دیں عدو کو دعا وہ جینے کی

مر نہ جائے تو کیا کرے کوئی

کہتے ہیں تجھ سے دل نہیں ملتا

اس کو محمودؔ کیا کرے کوئی

jaur kab tak saha kare koi

sabr kab tak kya kare koi

kahin dushman bhi dost hote hain

tum na samjho to kya kare koi

tum bare parsa sahi lekin

bad gumani ko kya kare koi

de ke dil tum ko jan se jate

phir tumhen le ke kya kare koi

dil agar ho kisi ka kahne mein

kyun kisi ki suna kare koi

den adu ko dua wo jine ki

mar na jae to kya kare koi

kahte hain tujh se dil nahin milta

us ko mahmud kya kare koi