جوش وحشت میں نظر پہنچی نہ اپنے دل کے پاس

جوش وحشت میں نظر پہنچی نہ اپنے دل کے پاس

اٹھے آخر تک بگولے آہ اس محمل کے پاس

ہیں جگر میں تیرے ناوک کی قسم گنتی کے زخم

نام کو رستے ہوئے ناسور ہیں کچھ دل کے پاس

ایک منزل روح کو تا مرگ ہے ہر ایک سانس

یہ مسافر دور منزل سے ہے اور منزل کے پاس

موج خون کشتگاں ہے وحشت آموز خیال

دل لرزتا ہے کہ خنجر ہے ابھی قاتل کے پاس

مست دنیا مضطرب تھے شاد تھے اہل نیاز

جب بھنور سے بچ کے ڈوبیں کشتیاں ساحل کے پاس

بے نیازی اپنی سی دے ڈال پورا کر سوال

ورنہ ہے تیرا دیا سب کچھ ترے سائل کے پاس

josh-e-wahshat mein nazar pahunchi na apne dil ke pas

uthe akhir tak bagule ah is mahmil ke pas

hain jigar mein tere nawak ki qasam ginti ke zakhm

nam ko raste hue nasur hain kuchh dil ke pas

ek manzil ruh ko ta marg hai har ek sans

ye musafir dur manzil se hai aur manzil ke pas

mauj-e-khun-e-kushtgan hai wahshat amoz-e-khayal

dil larazta hai ke khanjar hai abhi qatil ke pas

mast-e-duniya muztarib the shad the ahl-e-niyaz

jab bhanwar se bach ke duben kashtiyan sahil ke pas

be niyazi apni si de dal pura kar sawal

warna hai tera diya sab kuchh tire sail ke pas