جوش وحشت میں مسلم ہو گیا اسلام عشق

جوش وحشت میں مسلم ہو گیا اسلام عشق

کوچہ گردی سے مری پورا ہوا احرام عشق

میرے مرنے سے کھلا حال محبت خلق پر

سنگ مرقد بن گیا آئینہ انجام عشق

یہ صلہ پایا وفا کا حسن کی سرکار سے

چہرۂ عاشق کی زردی ہے زر انعام عشق

پہلے تھا رخ کا تصور اب ہے گیسو کا خیال

وو تھی صبح عشق گویا اور یہ ہے شام عشق

آستان یار پر ہر وقت سجدہ کیجیے

ہے یہی بس دین عشق ایمان عشق اسلام عشق

ہوں اسیر زلف ظاہر ہے خط تقدیر سے

دائرے حرفوں کے مل کر بن گئے ہیں دام عشق

عرش اعظم سے بھی اونچی ہو گئی میری فغاں

آج تک پایا نہ اے آزادؔ اوج بام عشق

josh-e-wahshat mein musallam ho gaya islam ishq

kucha gardi se miri pura hua ehram-e-ishq

mere marne se khula hal-e-mohabbat khalq par

sang marqad ban gaya aina anjam-e-ishq

ye sila paya wafa ka husn ki sarkar se

chehra-e-ashiq ki zardi hai zar-e-inam-e-ishq

pahle tha rukh ka tasawwur ab hai gesu ka khayal

wo thi subh-e-ishq goya aur ye hai sham-e-ishq

astan-e-yar par har waqt-e-sajda kijiye

hai yahi bas din-e-ishq iman-e-ishq islam ishq

hun asir-e-zulf zahir hai khat-e-taqdir se

daire harfon ke mil kar ban gae hain dam-e-ishq

arsh-e-aazam se bhi unchi ho gai meri fughan

aj tak paya na ai azad auj-e-bam-e-ishq