ایک دنیا مست اک عالم خراب

ایک دنیا مست اک عالم خراب

کس نے کی تقسیم آنکھوں سے شراب

اک قیامت تھا وہ حسن لاجواب

اب قیامت پر قیامت ہے شباب

روئے ساقی مطلع نور شراب

آفتاب آمد دلیل آفتاب

عشق نے کونین پر ڈالی نظر

حسن پر ٹھہری نگاہ انتخاب

عشق سے بہتر نہیں کوئی گناہ

ہجر سے بد تر نہیں کوئی عذاب

عشق نیک انجام نے مژدہ دیا

تیری ناکامی ہے ناطقؔ کامیاب

ek duniya mast ik alam kharab

kis ne ki taqsim ankhon se sharab

ik qayamat tha wo husn-e-lajawab

ab qayamat par qayamat hai shabab

ru-e-saqi matla-e-nur-e-sharab

aftab amad dalil-e-aftab

ishq ne kaunain par dali nazar

husn par thahri nigah-e-intikhab

ishq se behtar nahin koi gunah

hijr se bad tar nahin koi azab

ishq nek anjam ne muzhda diya

teri nakami hai natiq kamyab