جو ہم سے تو ملا کرے گا

جو ہم سے تو ملا کرے گا

بندہ تجھ کو دعا کرے گا

بوسہ تو دے کبھو مری جان

مولا ترا بھلا کرے گا

ہم تم بیٹھیں گے پاس مل کر

وہ دن بھی کبھو خدا کرے گا

دل تیرے کام کا نہیں تو

بندہ پھر لے کے کیا کرے گا

پچھتائے گا مل کے سوزؔ سے ہاں

ہم کہتے ہیں برا کرے گا

ہے شوخ مزاج سوزؔ واللہ

چھیڑے گا اسے برا کرے گا

jo ham se to mila karega

banda tujh ko dua karega

bosa to de kabhu miri jan

maula tira bhala karega

ham tum baithenge pas mil kar

wo din bhi kabhu khuda karega

dil tere kam ka nahin to

banda phir le ke kya karega

pachhtaega mil ke soz se han

ham kahte hain bura karega

hai shokh mizaj soz-e-wallah

chherega use bura karega