جو ہوتا آہ تری آہ بے اثر میں اثر

جو ہوتا آہ تری آہ بے اثر میں اثر

تو کچھ تو ہوتا دل شوخ فتنہ گر میں اثر

بس اک نگاہ میں معشوق چھین لیں ہیں دل

خدا نے ان کی دیا ہے عجب نظر میں اثر

نہ چھوڑی غم نے مرے اک جگر میں خون کی بوند

کہاں سے اشک کا ہو کہیے چشم تر میں اثر

ہو اس کے ساتھ یہ بے التفاتی گل کیوں

جو عندلیب کے ہو نالۂ سحر میں اثر

کسی کا قول ہے سچ سنگ کو کرے ہے موم

رکھا ہے خاص خدا نے یہ سیم و زر میں اثر

جو آہ نے فلک پیر کو ہلا ڈالا

تو آپ ہی کہیے کہ ہے گا یہ کس اثر میں اثر

جو دیکھ لے تو جہنم کی پھیرے بندھ جائے

ہے میری آہ کے وہ ایک اک شرر میں اثر

بگاڑیں چرخ سے ہم عیشؔ کس بھروسے پر

نہ آہ میں ہے نہ سوز دل و جگر میں اثر

jo hota ah tiri ah be asar mein asar

to kuchh to hota dil shokh fitna gar main asar

bas ik nigah mein maashuq chhin len hain dil

khuda ne un ki diya hai ajab nazar mein asar

na chhori gham ne mire ik jigar mein khun ki bund

kahan se ashk ka ho kahiye chashm-e-tar mein asar

ho us ke sath ye be iltifati gul kyun

jo andalib ke ho nala-e-sahar mein asar

kisi ka qaul hai sach sang ko kare hai mom

rakha hai khas khuda ne ye sim-o-zar mein asar

jo ah ne falak-e-pir ko hila dala

tu ap hi kahiye ke hai ga ye kis asar mein asar

jo dekh le to jahannam ki phere bandh jae

hai meri ah ke wo ek ik sharar mein asar

bigaren charkh se ham aish kis bharose par

na ah mein hai na soz-e-dil-o-jigar mein asar