جو ہمیں چاہے اس کے چاکر ہیں

جو ہمیں چاہے اس کے چاکر ہیں

یار شاطر نہ بار خاطر ہیں

یاد ہے ہم سے پیار سے کہنا

تجھ سے ہم سب طرح سے حاضر ہیں

دل اٹھاویں گے تجھ سے تا مقدور

صبر کرنے پہ گو نہ قادر ہیں

یار و عاشق بہم موافق ہوں

اتفاق ایسے شاذ و نادر ہیں

وصل کی بن نہ آئی کچھ تدبیر

ہم سے کم عاشقوں میں بد بر ہیں

کچھ قصور اپنی بندگی میں نہیں

بندگی سے اگر مقصر ہیں

حسرتؔ عشق بتاں سے مانگ اماں

جتنے ہیں سب یہ سخت کافر ہیں

jo hamen chahe us ke chakar hain

yar shatir na bar-e-khatir hain

yad hai ham se pyar se kahna

tujh se ham sab tarah se hazir hain

dil uthawenge tujh se ta maqdur

sabr karne pe go na qadir hain

yar-o-ashiq baham muafiq hun

ittifaq aise shaz-o-nadir hain

wasl ki ban na ai kuchh tadbir

ham se kam ashiqon mein bad bar hain

kuchh qusur apni bandagi mein nahin

bandagi se agar muqassir hain

hasrat ishq-e-butan se mang aman

jitne hain sab ye sakht kafir hain