جی رہے یا نہ رہے ہر قدم یار نہ چھوڑ

جی رہے یا نہ رہے ہر قدم یار نہ چھوڑ

اے پتنگے تو کبھی شمع کا انوار نہ چھوڑ

شمع تجھ کو بھی مناسب تو وہاں تک جل جا

سر سے تا پائے تلک رشتۂ زنار نہ چھوڑ

لب شیریں سے اگر ہو نہ ترا لب شیریں

کوہ کن تو بھی تو اب دامن کہسار نہ چھوڑ

لیلا ہاتھ آوے نہ آوے ملے جو ناقہ سوار

حال غم سے وہ کرے منع پر اظہار نہ چھوڑ

لفظ تو نے جو کہے ہیں وو ہی حق اے منصور

کلمۃ الحق کو مگر تا بہ دم دار نہ چھوڑ

اے زلیخا مہ کنعاں کو لے دے مال متاع

پیش بایع کے کوئی مشتری زنہار نہ چھوڑ

اس نصیحت کو مری مان بقول افریدیؔ

جی رہے یا نہ رہے پر قدم یار نہ چھوڑ

ji rahe ya na rahe har qadam-e-yar na chhor

ai patange to kabhi shama ka anwar na chhor

shama tujh ko bhi munasib to wahan tak jal ja

sar se ta pae talak rishta-e-zunnar na chhor

lab-e-shirin se agar ho na tira lab shirin

koh kin tu bhi to ab daman-e-kohsar na chhor

lila hath awe na awe mile jo naqa sawar

hal-e-gham se wo kare mana par izhar na chhor

lafz tu ne jo kahe hain wo hi haq ai mansur

kalimat alhaq ko magar ta ba dam dar na chhor

ai zulekha-e-mah kanan ko le de mal mata

pesh-e-bae ke koi mushtari zinhar na chhor

is nasihat ko miri man baqaul afredi

ji rahe ya na rahe par qadam-e-yar na chhor