جی بھر کے کبھی یار کا جلوہ نہیں دیکھا
جگر بسوانیجی بھر کے کبھی یار کا جلوہ نہیں دیکھا
دیکھا بھی تو اس طرح کہ گویا نہیں دیکھا
مرنے کا نہیں غم مگر اس بات کا غم ہے
اس نے مرے مرنے کا تماشا نہیں دیکھا
جھرمٹ میں رہے غمزۂ تمکین و حیا کے
خلوت میں بھی ان کو کبھی تنہا نہیں دیکھا
کس زور پہ کس جوش پہ ہے ان کی جوانی
تھمتے کبھی سینے پہ دوپٹہ نہیں دیکھا
آنکھوں میں پھرے اور وہ آنکھوں سے چھپے بھی
آنکھوں نے اس انداز کا پردہ نہیں دیکھا
خلوت میں جگرؔ یاد کیا کرتے ہو کس کو
ملتے تمہیں لوگوں سے زیادہ نہیں دیکھا
ji bhar ke kabhi yar ka jalwa nahin dekha
dekha bhi to is tarah ke goya nahin dekha
marne ka nahin gham magar is bat ka gham hai
us ne mire marne ka tamasha nahin dekha
jhurmut mein rahe ghamza-e-tamkin-o-haya ke
khalwat mein bhi un ko kabhi tanha nahin dekha
kis zor pe kis josh pe hai un ki jawani
thamte kabhi sine pe dupatta nahin dekha
ankhon mein phire aur wo ankhon se chhupe bhi
ankhon ne is andaz ka parda nahin dekha
khalwat mein jigar yad kiya karte ho kis ko
milte tumhen logon se ziyada nahin dekha