جہت کی تلاش

یہاں درخت کے اوپر اگا ہوا ہے درخت

زمین تنگ ہے (جیسے کبھی فراخ نہ تھی)

ہوا کا کال پڑا ہے، نمی بھی عام نہیں

سمندروں کو بلو کر فضاؤں کو متھ کر

جنم دیے ہیں اگر چند ابر کے ٹکڑے

جھپٹ لیا ہے انہیں یوں دراز شاخوں نے

کہ نیم جاں تنے کو ذرا خبر نہ ہوئی

جڑیں بھی خاک تلے ایک ہی لگن میں رواں

نہ تیرگی سے مفر ہے، نہ روشنی کا سوال

زمیں میں پاؤں دھنسے ہیں فضا میں ہات بلند

نئی جہت کا لگے اب درخت میں پیوند

yahan darakht ke upar uga hua hai darakht

zamin-e-tang hai (jaise kabhi farakh na thi)

hawa ka kal para hai, nami bhi am nahin

samundaron ko bilo kar fazaon ko mith kar

janam diye hain agar chand abr ke tukre

jhapat liya hai unhen yun daraz shakhon ne

ke nim jan tane ko zara khabar na hui

juren bhi khak tale ek hi lagan mein rawan

na tirgi se mafar hai, na raushni ka sawal

zamin mein paon dhanse hain faza mein hat buland

nai jihat ka lage ab darakht mein paiwand