جہاں میں ابھی یوں تو کیا کیا نہ ہوگا

جہاں میں ابھی یوں تو کیا کیا نہ ہوگا

زمیں پر کوئی تم سا پیدا نہ ہوگا

شراب محبت کو اے زاہدو تم

برا گر کہو گے تو اچھا نہ ہوگا

سر بزم دشنام دشمن کو دے کر

مجھے تم نے کیا دل میں کوسا نہ ہوگا

مری بے قراری کو کیا دیکھتے ہو

کبھی برق کو تم نے دیکھا نہ ہوگا

نسیمؔ اور کچھ فکر کیجے خدارا

اب اس نوکری میں گزارا نہ ہوگا

jahan mein abhi yun to kya kya na hoga

zamin par koi tum sa paida na hoga

sharab-e-mohabbat ko ai zahido tum

bura gar kahoge to achchha na hoga

sar-e-bazm-e-dushnam dushman ko de kar

mujhe tum ne kya dil mein kosa na hoga

miri be qarari ko kya dekhte ho

kabhi barq ko tum ne dekha na hoga

nasim aur kuchh fikr kije khudara

ab is naukri mein guzara na hoga