جی میں کیا کیا مری اماہا تھا

جی میں کیا کیا مری اماہا تھا

پر ہوا وہ جو حق کا چاہا تھا

نبھی جب تک کہ ہم نباہ سکے

آپ نے ہم کو کب نباہا تھا

لقے دو چار ساتھ جاتے تھے

کیسا کل رات ہی ہی ہاہا تھا

چکی راہا تھا کیا بلا یہ رقیب

چکی سا منہ تو اس کا راہا تھا

کوچے تیرے میں رات کو جو گئے

بھولے ہم واں جہاں دوراہا تھا

تم جھٹک گئے کچھ ان دنوں پیارے

ٹوک کس نے تمہیں سراہا تھا

تم پہ تھا جب کہ عالم تجرید

ان دنوں میں بھی بن بیاہا تھا

جس گلی بیچ جا نکلتے تھے

تم پر اور ہم پہ آہا آہا تھا

آ کے تجھ سے جو تھا ملا لڑ کر

پایا کیا اظفریؔ نے لاہا تھا

ji mein kya kya miri umahha tha

par hua wo jo haq ka chaha tha

nibhi jab tak ke ham nibah sake

ap ne ham ko kab nibaha tha

liqe do char sath jate the

kaisa kal rat hi hi haha tha

chuki raha tha kya bala ye raqib

chuki sa munh to us ka raha tha

kuche tere mein rat ko jo gae

bhule ham wan jahan durahha tha

tum jhatak gae kuchh in dinon pyare

tok kis ne tumhen saraha tha

tum pe tha jab ke alam-e-tajrid

in dinon mein bhi ban biyaha tha

jis gali bich ja nikalte the

tum par aur ham pe aha aha tha

a ke tujh se jo tha mila lar kar

paya kya azfari ne laha tha