جی سے مجھے چاہ ہے کسی کی

جی سے مجھے چاہ ہے کسی کی

کیا جانے کوئی کسی کی جی کی

شاہد رہیو تو اے شب ہجر

جھپکی نہیں آنکھ مصحفیؔ کی

رونے پہ مرے جو تم ہنسو ہو

یہ کون سی بات ہے ہنسی کی

جوں جوں کہ بناؤ پر وہ آیا

دونی ہوئی چاہ آرسی کی

گو اب وہ جواں نہیں پہ ہم سے

لت جائے ہے کوئی عاشقی کی

چاہے تو شفق کو پھونک دیوے

سرخی ترے رنگ آتشی کی

میں وادیٔ عشق میں جو آیا

مجنوں نے مری نہ ہم سری کی

کھاتے نہیں اب ترے نصیری

سوگند بھی مرتضیٰ علی کی

کیا ریختہ کم ہے مصحفیؔ کا

بو آتی ہے اس میں فارسی کی

ji se mujhe chah hai kisi ki

kya jane koi kisi ki ji ki

shahid rahiyo to ai shab-e-hijr

jhapki nahin ankh mushafi ki

rone pe mire jo tum hanso ho

ye kaun si bat hai hansi ki

jun jun ke banao par wo aya

duni hui chah arsi ki

go ab wo jawan nahin pe ham se

lat jae hai koi ashiqi ki

chahe to shafaq ko phunk dewe

surkhi tire rang atishi ki

main wadi-e-ishq mein jo aya

majnun ne miri na ham siri ki

khate nahin ab tire nusairi

saugand bhi murtaza ali ki

kya rekhta kam hai mushafi ka

bu ati hai is mein farsi ki