جی بھرا آتا ہے خالی مے کا پیالہ دے گیا

جی بھرا آتا ہے خالی مے کا پیالہ دے گیا

دیکھیو کیا آج ہم کو شوخ بالا دے گیا

اس بت پیماں گسل کو جب کہ میں لاتا ہوں گھر

کوئی نکوئی دے کے بالا مجھ کو تالا دے گیا

چاک سینہ کو جگر کو داغ دل کو درد زخم

تاجر غم شہر الفت کے یہ کالا دے گیا

کل کے دن دکھلا کے اپنا جلوۂ صنعت گری

یاد اپنی شب کو وہ باری تعالی دے گیا

نام اپنا جپنے کو ہر ہر طرح سے ہر جگہ

سبحہ تو مسجد میں بت خانے میں مالا دے گیا

ji bhara ata hai khali mai ka pyala de gaya

dekhiyo kya aj ham ko shokh bala de gaya

us but-e-paiman gusil ko jab ke main lata hun ghar

koi nikoi de ke bala mujh ko tala de gaya

chak-e-sina ko jigar ko dagh-e-dil ko dard-e-zakhm

tajir-e-gham shahr ulfat ke ye kala de gaya

kal ke din dikhla ke apna jalwa-e-sanat giri

yad apni shab ko wo bari taala de gaya

nam apna japne ko har har tarah se har jagah

subha to masjid mein but khane mein mala de gaya