جہاں بات وحدت کی گہری رہے گی

جہاں بات وحدت کی گہری رہے گی

وہاں فکر اپنی نہ تیری رہے گی

لجاجت امیروں سے یک دم اٹھا دے

قناعت سے اپنی فقیری رہے گی

نہ جینے کی خواہش نہ مرنے کا غم ہے

جو حالت ہے اپنی وہ ٹھہری رہے گی

مجلہ ہوا جب سے دل ہے ہمارا

نہ مرقد میں اپنے اندھیری رہے گی

گھمنڈ ہر طرح کرنا زیبا نہیں ہے

جوانی کسی کی نہ پیری رہے گی

خدائی کی قدرت خودی سے ہے مرکزؔ

مقلد ہیں جب تک اسیری رہے گی

jahan bat wahdat ki gahri rahegi

wahan fikr apni na teri rahegi

lajajat amiron se yak dam utha de

qanaat se apni faqiri rahegi

na jine ki khwahish na marne ka gham hai

jo halat hai apni wo thahri rahegi

majalla hua jab se dil hai hamara

na marqad main apne andheri rahegi

ghamand har tarah karna zeba nahin hai

jawani kisi ki na piri rahegi

khudai ki qudrat khudi se hai markaz

muqallid hain jab tak asiri rahegi