جی چاہا جدھر چھوڑ دیا تیر ادا کو

جی چاہا جدھر چھوڑ دیا تیر ادا کو

چٹکی میں اڑائے ہوئے پھرتے ہیں قضا کو

سجدوں کا بھی موقع نہ رہا اہل وفا کو

پھر پھر کے مٹاتے ہیں وہ نقش کف پا کو

جب پاتے ہیں سر دھنتے ہی پاتے ہیں رساؔ کو

سمجھائے کہاں تک کوئی اس مرد خدا کو

یوں ہم نے چھپائی ہے ترے وصل کی حسرت

جس طرح چھپاتا ہے خطاوار خطا کو

اب چھوڑ رساؔ عشق بتاں دیکھ کہا مان

کمبخت تجھے منہ بھی دکھانا ہے خدا کو

ji chaha jidhar chhor diya tir-e-ada ko

chutki mein urae hue phirte hain qaza ko

sajdon ka bhi mauqaa na raha ahl-e-wafa ko

phir phir ke mitate hain wo naqsh-e-kaf pa ko

jab pate hain sar dhunte hi pate hain rasa ko

samjhae kahan tak koi is mard-e-khuda ko

yun ham ne chhupai hai tire wasl ki hasrat

jis tarah chhupata hai khatawar khata ko

ab chhor rasa ishq-e-butan dekh kaha man

kambakht tujhe munh bhi dikhana hai khuda ko