جی جائے مگر نہ وہ پری جائے

جی جائے مگر نہ وہ پری جائے

یا رب نہ ہماری دل لگی جائے

دل ہجر میں جائے یا کہ جی جائے

جس کا جی چاہے وہ ابھی جائے

اس گل کا نہ وصل ہو نہ جی جائے

کیونکہ میرے دل کی بے کلی جائے

تم لعل لب اپنے گر دکھاؤ

پھر سوئے یمن نہ جوہری جائے

اس غنچہ دہن کی بو نہ لائے

دکھلائے نہ منہ صبا چلی جائے

سوغات کی طرح پیش مجنوں

بیڑی اور میری ہتھکڑی جائے

ثابت ہے جب پہاڑ وحشت

جب تک دامن ہمارا سی جائے

غیروں کو تو مے پلائے ساقی

میں مانگوں تو صاف سن کے پی جائے

ہمراہ ہو پرورش علی بھی

یاں سے جو کربلا سخیؔ جائے

ji jae magar na wo pari jae

ya rab na hamari dil lagi jae

dil hijr mein jae ya ke ji jae

jis ka ji chahe wo abhi jae

us gul ka na wasl ho na ji jae

kyunke mere dil ki be kali jae

tum laal-e-lab apne gar-e-dikhao

phir su-e-yaman na jauhari jae

is ghuncha dahan ki bu na lae

dikhlae na munh saba chali jae

saughat ki tarah pesh-e-majnun

beri aur meri hathkari jae

sabit hai jab pahar wahshat

jab tak daman hamara si jae

ghairon ko to mai pilae saqi

main mangun to saf sun ke pi jae

hamrah ho parwarish ali bhi

yan se jo karbala sakhi jae