جہاں دیکھو وہاں موجود میرا کرشن پیارا ہے

جہاں دیکھو وہاں موجود میرا کرشن پیارا ہے

اسی کا سب ہے جلوا جو جہاں میں آشکارا ہے

بھلا مخلوق خالق کی صفت سمجھے کہاں قدرت

اسی سے نیتی نیتی اے یار دیدوں نے پکارا ہے

نہ کچھ چارا چلا لاچار چاروں ہار کر بیٹھے

بچارے بید نے پیارے بہت تم کو بچارا ہے

جو کچھ کہتے ہیں ہم یہی بھی ترا جلوا ہے اک ورنہ

کسے طاقت جو منہ کھولے یہاں ہر شخص ہارا ہے

ترا دم بھرتے ہیں ہندو اگر ناقوس بجتا ہے

تجھے بھی شیخ نے پیارے اذاں دے کر پکارا ہے

جو بت پتھر ہیں تو کعبے میں کیا جز خاک و پتھر ہیں

بہت بھولا ہے وہ اس فرق میں سر جس نے مارا ہے

نہ ہوتے جلوہ گر تم تو یہ گرجا کب کا گر جاتا

نصاریٰ کو بھی تو آخر تمہارا ہی سہارا ہے

تمہارا نور ہے ہر شے میں کہہ سو کوئی تک پیارے

اسی سے کہہ کے ہر ہر تم کو ہندو نے پکارا ہے

گنہ بخشو رسائی دو رساؔ کو اپنے قدموں تک

برا ہے یا بھلا ہے جیسا ہے پیارے تمہارا ہے

jahan dekho wahan maujud mera krishn pyara hai

usi ka sab hai jalwa jo jahan mein ashkara hai

bhala makhluq khaliq ki sifat samjhe kahan qudrat

usi se naiti naiti ai yar didon ne pukara hai

na kuchh chara chala lachar charon har kar baithe

bachare baid ne pyare bahut tum ko bachara hai

jo kuchh kahte hain ham yahi bhi tira jalwa hai ik warna

kise taqat jo munh khole yahan har shakhs hara hai

tira dam bharte hain hindu agar naqus bajta hai

tujhe bhi shaikh ne pyare azan de kar pukara hai

jo but patthar hain to kaabe mein kya juz khak-o-patthar hain

bahut bhula hai wo is farq mein sar jis ne mara hai

na hote jalwa gar tum to ye garja kab ka gir jata

nasari ko bhi to akhir tumhara hi sahara hai

tumhara nur hai har shai mein kah so koi tak pyare

usi se kah ke har har tum ko hindu ne pukara hai

gunah bakhsho rasai do rasa ko apne qadmon tak

bura hai ya bhala hai jaisa hai pyare tumhara hai