جہل خرد نے دن یہ دکھائے

جہل خرد نے دن یہ دکھائے

گھٹ گئے انساں بڑھ گئے سائے

ہائے وہ کیونکر دل بہلائے

غم بھی جس کو راس نہ آئے

ضد پر عشق اگر آ جائے

پانی چھڑکے آگ لگائے

دل پہ کچھ ایسا وقت پڑا ہے

بھاگے لیکن راہ نہ پائے

کیسا مجاز اور کیسی حقیقت

اپنے ہی جلوے اپنے ہی سائے

جھوٹی ہے ہر ایک مسرت

روح اگر تسکین نہ پائے

کار زمانہ جتنا جتنا

بنتا جائے بگڑتا جائے

ضبط محبت شرط محبت

جی ہے کہ ظالم امڈا آئے

حسن وہی ہے حسن جو ظالم

ہاتھ لگائے ہاتھ نہ آئے

نغمہ وہی ہے نغمہ کہ جس کو

روح سنے اور روح سنائے

راہ جنوں آسان ہوئی ہے

زلف و مژہ کے سائے سائے

jahl khirad ne din ye dikhae

ghut gae insan barh gae sae

hae wo kyunkar dil bahlae

gham bhi jis ko ras na ae

zid par ishq agar a jae

pani chhirke ag lagae

dil pe kuchh aisa waqt para hai

bhage lekin rah na pae

kaisa majaz aur kaisi haqiqat

apne hi jalwe apne hi sae

jhuti hai har ek masarrat

ruh agar taskin na pae

kar-e-zamana jitna jitna

banta jae bigarta jae

zabt-e-mohabbat shart-e-mohabbat

ji hai ke zalim umda ae

husn wahi hai husn jo zalim

hath lagae hath na ae

naghma wahi hai naghma ke jis ko

ruh sune aur ruh sunae

rah-e-junun asan hui hai

zulf-o-mizha ke sae sae