جی ڈھونڈھتا ہے گھر کوئی دونوں جہاں سے دور

جی ڈھونڈھتا ہے گھر کوئی دونوں جہاں سے دور

اس آپ کی زمیں سے الگ آسماں سے دور

شاید میں در خور نگہ گرم بھی نہیں

بجلی تڑپ رہی ہے مرے آشیاں سے دور

آنکھیں چرا کے آپ نے افسانہ کر دیا

جو حال تھا زباں سے قریب اور بیاں سے دور

تا عرض شوق میں نہ رہے بندگی کی لاگ

اک سجدہ چاہتا ہوں ترے آستاں سے دور

ہے منع راہ عشق میں دیر و حرم کا ہوش

یعنی کہاں سے پاس ہے منزل کہاں سے دور

ji dhundhta hai ghar koi donon jahan se dur

is ap ki zamin se alag asman se dur

shayad main dar-e-khur nigah-e-garm bhi nahin

bijli tarap rahi hai mire ashiyan se dur

ankhen chura ke ap ne afsana kar diya

jo hal tha zaban se qarib aur bayan se dur

ta arz-e-shauq mein na rahe bandagi ki lag

ik sajda chahta hun tire astan se dur

hai man-e-rah-e-ishq mein dair-o-haram ka hosh

yaani kahan se pas hai manzil kahan se dur