جو نیش غم سے بے پروا نہ ہوگا

جو نیش غم سے بے پروا نہ ہوگا

تمہارا چاہنے والا نہ ہوگا

جو تیری یاد میں آنسو بہے گا

وہ جاناں گوہر یک دانہ ہوگا

حسین و مہ جبیں ہوں گے جہاں میں

مگر کافر ادا تجھ سا نہ ہوگا

ہے تو پردہ میں اور شور اک جہاں میں

یہ پردہ جب اٹھا پھر کیا نہ ہوگا

تڑپ جس دل میں یزداں کی نہ ہوگی

تو اہریمن کا وہ کاشانہ ہوگا

گلستاں آج سرمست نوا ہے

چمن میں جلوۂ جانانہ ہوگا

نہ ہو شاعر جو شمع بزم ہستی

جہاں میں عشق کا جلوا نہ ہوگا

نہ ہوں گے ہم نوا سنج بہاراں

تو گلزار جہاں ویرانہ ہوگا

نہ چھیڑیں ہم اگر تار رگ جاں

نوائے زندگی پیدا نہ ہوگا

رخ زیبا کی تصویر خیالی

ترے ناظرؔ کا یہ نذرانہ ہوگا

jo nesh-e-gham se be parwa na hoga

tumhara chahne wala na hoga

jo teri yad mein ansu bahega

wo janan gauhar-e-yak dana hoga

hasin-o-mah jabin honge jahan mein

magar kafir ada tujh sa na hoga

hai to parda mein aur shor ik jahan mein

ye parda jab utha phir kya na hoga

tarap jis dil mein yazdan ki na hogi

tu ahuryaman ka wo kashana hoga

gulistan aj sarmast-e-nawa hai

chaman mein jalwa-e-janana hoga

na ho shayar jo sham-e-bazm-e-hasti

jahan mein ishq ka jalwa na hoga

na honge ham nawa sanj-e-baharan

tu gulzar-e-jahan wirana hoga

na chheren ham agar tar-e-rag-e-jan

nawa-e-zindagi paida na hoga

rukh-e-zeba ki taswir-e-khayali

tire nazir ka ye nazrana hoga