جو مرغ قبلہ نما بن کے آشیاں سے چلے

جو مرغ قبلہ نما بن کے آشیاں سے چلے

تڑپ تڑپ کے وہیں رہ گئے جہاں سے چلے

جگر شگاف ہو یا دل ہو چاک وحشت سے

جنوں میں جامۂ تن دیکھیے کہاں سے چلے

جو مر کے ریگ رواں بھی بنے ضعیفی میں

یہاں پہ رہ گئے ہم ناتواں وہاں سے چلے

ثبات جامۂ ہستی ہو خاک پیری میں

جو پیرہن ہو پرانا بہت کہاں سے چلے

وہاں سے آئے اکیلے تھے نامرادانہ

ہزار حسرت و ارماں لیے یہاں سے چلے

مرا ترا کی طرح شادؔ یہ بھی ایطا ہے

یہ قافیہ نہ نہیں سے چلے نہ ہاں سے چلے

jo murgh-e-qibla numa ban ke ashiyan se chale

tarap tarap ke wahin rah gae jahan se chale

jigar shigaf ho ya dil ho chak wahshat se

junun mein jama-e-tan dekhiye kahan se chale

jo mar ke reg-e-rawan bhi bane zaifi mein

yahan pe rah gae ham natawan wahan se chale

sabat jama-e-hasti ho khak piri mein

jo pairahan ho purana bahut kahan se chale

wahan se ae akele the namuradana

hazar hasrat-o-arman liye yahan se chale

mira tira ki tarah shad ye bhi ita hai

ye qafiya na nahin se chale na han se chale