جو ملتے وہ تو اتنا پوچھتا میں

جو ملتے وہ تو اتنا پوچھتا میں

کہ تم ہو بے وفا یا بے وفا میں

یہ حالت ہو گئی مرتے ہی میرے

کبھی دنیا ہی میں گویا نہ تھا میں

خدا جانے وہ سمجھے یا نہ سمجھے

اشاروں میں بہت کچھ کہہ گیا میں

مسافر بن کے آخر یہ کھلا راز

ہوں منزل میں سفر میں رہنما میں

سر منزل ہمارا قافلہ ہے

کہاں اللہ جانے رہ گیا میں

سنا ہے مجھ میں خود موجود تھا وہ

خبر ہوتی تو خود کو پوجتا میں

وہ کہتے ہیں کہ اب باقی رہا کیا

مٹایا تم نے دل کو دل میں تھا میں

زمانہ ڈھونڈھتا ہے مجھ کو افسرؔ

خدا جانے کہاں کھو گیا میں

jo milte wo to itna puchhta main

ke tum ho be wafa ya be wafa mein

ye halat ho gai marte hi mere

kabhi duniya hi mein goya na tha main

khuda jane wo samjhe ya na samjhe

isharon mein bahut kuchh kah gaya main

musafir ban ke akhir ye khula raz

hun manzil mein safar mein rahnuma mein

sar-e-manzil hamara qafila hai

kahan allah jane rah gaya main

suna hai mujh mein khud maujud tha wo

khabar hoti to khud ko pujta main

wo kahte hain ke ab baqi raha kya

mitaya tum ne dil ko dil mein tha main

zamana dhundhta hai mujh ko afsar

khuda jane kahan kho gaya main