جو میرے دل میں سہو تری یاد سے ہوا

جو میرے دل میں سہو تری یاد سے ہوا

نام اس کا محو عالم ایجاد سے ہوا

برباد خاک دل ہے تو احسان حسن کیا

میں سر بلند عشق کی افتاد سے ہوا

ایسے بھی ہیں کہ جن کو رہائی کی فکر ہے

شرمندہ میں تو زحمت صیاد سے ہوا

ناقوس اور اذاں کی بنا عشق سے پڑی

فریاد کا چلن مری فریاد سے ہوا

عشق و ہوس نے مل کے بنائی ہے بزم حسن

یہ اتحاد مجمع اضداد سے ہوا

دنیائے بے ثبات کا قصہ تھا مختصر

طول اتنا میری قید کی میعاد سے ہوا

jo mere dil mein saho tiri yad se hua

nam us ka mahw-e-alam-e-ijad se hua

barbad khak dil hai to ehsan-e-husn kya

main sar buland ishq ki uftad se hua

aise bhi hain ke jin ko rihai ki fikr hai

sharminda mein to zahmat-e-sayyad se hua

naqus aur azan ki bana ishq se pari

fariyad ka chalan miri fariyad se hua

ishq-o-hawas ne mil ke banai hai bazm-e-husn

ye ittihad-e-majma-e-azdad se hua

duniyae be sabat ka qissa tha mukhtasar

tul itna meri qaid ki miad se hua