جو مدتوں میں کسی شوخ کا شباب آیا

جو مدتوں میں کسی شوخ کا شباب آیا

رہین دامن و منت کش حجاب آیا

نمود شام ہوئی وقت اضطراب آیا

جہان عشق و محبت میں انقلاب آیا

جنوں میں زیست تھی اپنی طلسم بیداری

قضا نے آ کے سلایا تو ہم کو خواب آیا

نہ دل میں درد ہی باقی ہے اب نہ آنکھ میں اشک

اخیر وقت ہے پایان اضطراب آیا

بس اب تمام ہوا انتظار قاصد کا

کہ زندگی کی طرف سے ہمیں جواب آیا

غضب تھی بزم میں ساقی کی طرز مستانہ

بھرا ہوا نہ کوئی ساغر شراب آیا

نظام عالم فرقت خلاف قدرت تھا

نہ ماہتاب ہی نکلا نہ آفتاب آیا

نظرؔ اقامت دنیا کی ختم مدت ہے

کہ ہم بھی پیر ہوئے وقت پا تراب آیا

jo muddaton mein kisi shokh ka shabab aya

rahin-e-daman-o-minnat kash-e-hijab aya

numud-e-sham hui waqt-e-iztirab aya

jahan-e-ishq-o-mohabbat mein inqilab aya

junun mein zist thi apni tilism-e-bedari

qaza ne a ke sulaya to ham ko khwab aya

na dil mein dard hi baqi hai ab na ankh mein ashk

akhir waqt hai payan-e-iztirab aya

bas ab tamam hua intizar qasid ka

ke zindagi ki taraf se hamen jawab aya

ghazab thi bazm mein saqi ki tarz-e-mastana

bhara hua na koi saghar-e-sharab aya

nizam-e-alam-e-furqat khilaf-e-qudrat tha

na mahtab hi nikla na aftab aya

nazar iqamat duniya ki khatm muddat hai

ke ham bhi pir hue waqt pa turab aya