جو مر گئے تری چشم سیاہ کے مارے

جو مر گئے تری چشم سیاہ کے مارے

نہ حشر کو بھی اٹھیں گے نگاہ کے مارے

مثال برگ خزاں صرصر فراق سے آہ

پٹکتے پھرتے ہیں سر ہم تباہ کے مارے

عزیزو دل نہ دو یوسف کی کر کے چاہ کبھی

کہ جا کے چاہ میں گرتے ہیں چاہ کے مارے

الٰہی حشر میں آواز صور سن کیوں کر

اٹھوں گا آہ میں بار گناہ کے مارے

حذر کر آہ دل ناتواں سے اے ظالم

کہ کوہ ٹل گئے ہیں برگ کاہ کے مارے

نہ سمجھیو کہ فلک پر ستارے ہیں روشن

ہیں رخنہ دار مرے تیر آہ کے مارے

بسان نقش قدم تیرے در سے اہل وفا

اٹھاتے سر نہیں ہرگز تباہ کے مارے

اجڑ گئے خرد و صبر و ہوش و تاب و تواں

اسی کے ناز و ادا کی سپاہ کے مارے

جہان دل اے جہاں دارؔ ایک دن نہ بسا

جفائے شاہ تغافل شعار کے مارے

jo mar gae tiri chashm-e-siyah ke mare

na hashr ko bhi uthenge nigah ke mare

misal-e-barg-e-khizan sarsar-e-firaq se ah

patakte phirte hain sar ham tabah ke mare

azizo dil na do yusuf ki kar ke chah kabhi

ke ja ke chah mein girte hain chah ke mare

ilahi hashr mein awaz-e-sur sun kyun kar

uthunga ah mein bar-e-gunah ke mare

hazar kar ah dil-e-natawan se ai zalim

ke koh-e-tal gae hain barg-e-kah ke mare

na samajhiyo ke falak par sitare hain raushan

hain rakhna dar mire tir ah ke mare

basan-e-naqsh-e-qadam tere dar se ahl-e-wafa

uthate sar nahin hargiz tabah ke mare

ujar gae khirad-o-sabr-o-hosh-o-tab-o-tawan

usi ke naz-o-ada ki sipah ke mare

jahan-e-dil ai jahan dar ek din na basa

jafa-e-shah-e-taghaful shiar ke mare