جو کچھ کہ تو نے سر پہ مرے دل ربا کیا

جو کچھ کہ تو نے سر پہ مرے دل ربا کیا

دل ہی وہ جانتا ہے کہوں کیا میں کیا کیا

مت پوچھ آہ عشق کے خوباں کے کیا کیا

رسوا کیا خراب کیا مبتلا کیا

یارو کہے رکھے ہوں میں دعویٰ نہ کیجیو

قاتل کو اپنے میں نے بحل خوں بہا کیا

ملزم کیا ہے آہ کسی نے مجھے بہ عکس

آئینہ رو کا اپنے میں جس سے گلہ کیا

بن بیٹھتا ہے مفت مرے جی کا مدعی

اظہار اس سے دل کا میں جب مدعا کیا

بے مہری تیری کیا کہوں اے سنگ دل کہ چور

مجھ دل کا شیشہ تو نے بہ سنگ جفا کیا

اس بن نہ قبلہ سمجھوں نہ قبلہ نما کو میں

قبلہ اسے دل اپنے کو قبلہ نما کیا

ملتا ہے اے نگار کف پا کوں اپنے آہ

کیا تو نے میرے خون کو رنگ حنا کیا

یہ چشم داشت تجھ سے جہاں دارؔ کو نہ تھی

جو غیر کے لیے اسے تو نے جفا کیا

jo kuchh ke tu ne sar pe mire dil ruba kiya

dil hi wo janta hai kahun kya main kya kiya

mat puchh ah ishq ke khuban ke kya kiya

ruswa kiya kharab kiya mubtala kiya

yaro kahe rakhe hun main daawa na kijiyo

qatil ko apne main ne bahal khun baha kiya

mulzim kya hai ah kisi ne mujhe ba aks

aina ru ka apne mein jis se gila kiya

ban baithta hai muft mire ji ka muddai

izhar us se dil ka main jab muddaa kiya

be mehri teri kya kahun ai sang dil ke chur

mujh dil ka shisha tu ne ba sang-e-jafa kiya

is ban na qibla samjhun na qibla numa ko main

qibla use dil apne ko qibla numa kiya

milta hai ai nigar kaf-e-pa kun apne ah

kya tu ne mere khun ko rang-e-hina kiya

ye chashm-e-dasht tujh se jahan dar ko na thi

jo ghair ke liye use tu ne jafa kiya