جو پنہاں تھا وہی ہر سو عیاں ہے

جو پنہاں تھا وہی ہر سو عیاں ہے

یہ کہیے لن ترانی اب کہاں ہے

جو پہنچے ہاتھ زنجیروں کو توڑیں

گرچہ پاؤں اپنا درمیاں ہے

چمک لعل بدخشاں کی مٹا دے

ترے ہونٹوں پہ ایسا رنگ پاں ہے

تجھے کہتا ہوں سن او وحشت دل

وہاں لے چل جہاں وہ دل ستاں ہے

وہ ہوں نازک مزاج اے ہم صفیرو

رگ گل مجھ کو خار آشیاں ہے

موا جاتا ہوں میں طرز نگہ سے

ترے لب کی مسیحائی کہاں ہے

بلا کر اس سے دو باتیں تو سن لے

یہ کہتے ہیں کہ گویاؔ خوش بیاں ہے

jo pinhan tha wahi har su ayan hai

ye kahiye lan tarani ab kahan hai

jo pahunche hath zanjiron ko toren

garche paon apna darmiyan hai

chamak laal-e-badakhshan ki mita de

tire honton pe aisa rang pan hai

tujhe kahta hun sun o wahshat-e-dil

wahan le chal jahan wo dil sitan hai

wo hun nazuk mizaj ai ham safiro

rag-e-gul mujh ko khar-e-ashiyan hai

mua jata hun main tarz-e-nigah se

tire lab ki masihai kahan hai

bala kar us se do baten to sun le

ye kahte hain ke goya khush bayan hai