آؤ پھر گرمی دیار عشق میں پیدا کریں

آؤ پھر گرمی دیار عشق میں پیدا کریں

طور کی مٹی سے تخلیق ید بیضا کریں

حسن میں ہو عشق کی بو عشق میں ہو رنگ حسن

پھر مرتب رنگ و بوئے نو سے اک دنیا کریں

جتنے نغمے ہو چکے ہیں گم فضائے دہر میں

ان کو پھر آواز دیں اک ساز میں یکجا کریں

مل چکے ہیں خاک میں جو ٹوٹ کر پھولوں کے جام

ان کو دست شاخ میں پھر ساغر و مینا کریں

زندگی دو دن کی اس پر یہ جہاں ایجادیاں

اہتمام اتنا کریں سیمابؔ اور پھر کیا کریں

ao phir garmi dayar-e-ishq mein paida karen

tur ki mitti se takhliq-e-yad-e-baiza karen

husn mein ho ishq ki bu ishq mein ho rang-e-husn

phir murattib rang-o-bu-e-nau se ik duniya karen

jitne naghme ho chuke hain gum faza-e-dahr mein

un ko phir awaz den ik saz mein yakja karen

mil chuke hain khak mein jo tut kar phulon ke jam

un ko dast-e-shakh mein phir saghar-o-mina karen

zindagi do din ki us par ye jahan ijadiyan

ehtimam itna karen simab aur phir kya karen