جو طوفانوں میں پلتے جا رہے ہیں

جو طوفانوں میں پلتے جا رہے ہیں

وہی دنیا بدلتے جا رہے ہیں

نکھرتا آ رہا ہے رنگ گلشن

خس و خاشاک جلتے جا رہے ہیں

وہیں میں خاک اڑتی دیکھتا ہوں

جہاں چشمے ابلتے جا رہے ہیں

چراغ دیر و کعبہ اللہ اللہ

ہوا کی ضد پہ جلتے جا رہے ہیں

شباب و حسن میں بحث آ پڑی ہے

نئے پہلو نکلتے جا رہے ہیں

jo tufanon mein palte ja rahe hain

wahi duniya badalte ja rahe hain

nikharta a raha hai rang-e-gulshan

khas-o-khashak jalte ja rahe hain

wahin mein khak urti dekhta hun

jahan chashme ubalte ja rahe hain

charagh-e-dair-o-kaaba allah allah

hawa ki zid pe jalte ja rahe hain

shabab-o-husn mein bahs a pari hai

nae pahlu nikalte ja rahe hain