جو علم مردوں کے لیے سمجھا گیا آب حیات

جو علم مردوں کے لیے سمجھا گیا آب حیات

ٹھہرا تمہارے حق میں وہ زہر ہلاہل سربسر

جب تک جیو تم علم و دانش سے رہو محروم یاں

آئی ہو جیسی بے خبر ویسی ہی جاؤ بے خبر

دنیا کے دانا اور حکیم اس خوف سے لرزاں تھے سب

تم پر مبادا علم کی پڑ جائے پرچھائیں کہیں

ایسا نہ ہو مرد اور عورت میں رہے باقی نہ فرق

تعلیم پا کر آدمی بننا تمہیں زیبا نہیں

علم و ہنر سے رفتہ رفتہ ہو گئیں مایوس تم

سمجھا لیا دل کو کہ ہم خود علم کے قابل نہ تھیں

آخر تمہاری چپ دلوں میں اہل دل کے چبھ گئی

سچ ہے کہ چپ کی داد آخر بے ملے رہتی نہیں

jo ilm mardon ke liye samjha gaya ab-e-hayat

thahra tumhare haq mein wo zahr-e-halahal sarbasar

jab tak jiyo tum ilm-o-danish se raho mahrum yan

ai ho jaisi be khabar waisi hi jao be khabar

duniya ke dana aur hakim is khauf se larzan the sab

tum par mabada ilm ki par jae parchhain kahin

aisa na ho mard aur aurat mein rahe baqi na farq

taalim pa kar admi banna tumhen zeba nahin

ilm-o-hunar se rafta rafta ho gain mayus tum

samjha liya dil ko ke ham khud ilm ke qabil na thin

akhir tumhari chup dilon mein ahl-e-dil ke chubh gai

sach hai ke chup ki dad akhir be mile rahti nahin