جو تجھے امتحان دیتا ہے

جو تجھے امتحان دیتا ہے

کس خوشی سے وہ جان دیتا ہے

کیا دیا ہم نے جان دی جو اسے

یہ تو سارا جہان دیتا ہے

چاہئے آپ کو تو لے لیجے

جان اک ناتوان دیتا ہے

تجھ سے با وضع ہے ترا خنجر

مرنے والوں پہ جان دیتا ہے

نام سنتا ہے جب وہ بیخودؔ کا

گالیاں بد زبان دیتا ہے

jo tujhe imtihan deta hai

kis khushi se wo jan deta hai

kya diya ham ne jan di jo use

ye to sara jahan deta hai

chahiye ap ko to le lije

jan ik natawan deta hai

tujh se ba waza hai tira khanjar

marne walon pe jan deta hai

nam sunta hai jab wo bekhud ka

galiyan bad zaban deta hai