جو تماشا نظر آیا اسے دیکھا سمجھا

جو تماشا نظر آیا اسے دیکھا سمجھا

جب سمجھ آ گئی دنیا کو تماشا سمجھا

اس کی اعجاز نمائی کا تماشائی ہوں

کہیں جگنو بھی جو چمکا ید بیضا سمجھا

میں یہ سمجھا ہوں کہ سمجھے نہ مری بات کو آپ

سر ہلا کر جو کہا آپ نے اچھا سمجھا

اثر حسن کہوں یا کشش عشق کہوں

میں تماشائی تھا وہ مجھ کو تماشا سمجھا

کیا کہوں میرے سمانے کو سمجھ ہے درکار

خاک سمجھا جو مجھے خاک کا پتلا سمجھا

ایک وہ ہیں جنہیں دنیا کی بہاریں ہیں نصیب

ایک میں ہوں قفس تنگ کو دنیا سمجھا

میرا ہر شعر ہے اک راز حقیقت بیخودؔ

میں ہوں اردو کا نظیریؔ مجھے تو کیا سمجھا

jo tamasha nazar aya use dekha samjha

jab samajh a gai duniya ko tamasha samjha

us ki ejaz numai ka tamashai hun

kahin jugnu bhi jo chamka yad-e-baiza samjha

main ye samjha hun ke samjhe na miri bat ko ap

sar hila kar jo kaha ap ne achchha samjha

asar husn kahun ya kashish-e-ishq kahun

main tamashai tha wo mujh ko tamasha samjha

kya kahun mere samane ko samajh hai darkar

khak samjha jo mujhe khak ka putla samjha

ek wo hain jinhen duniya ki baharen hain nasib

ek main hun qafas-e-tang ko duniya samjha

mera har sher hai ik raz-e-haqiqat bekhud

main hun urdu ka naziri mujhe to kya samjha