جو دل میں خون تمنا کیا نہ کرتے ہم

جو دل میں خون تمنا کیا نہ کرتے ہم

تو مثل شعلہ بھڑک کر جلا نہ کرتے ہم

اگر نہ کشمکش وحشت جنوں ہوتی

تو چاک جیب و گریباں کیا نہ کرتے ہم

اگر نہ خاطر صیاد پر گراں ہوتے

تو یوں تڑپ کے قفس سے اڑا نہ کرتے ہم

امید نقش پہ آنے کی تیرے گر ہوتی

تو اپنے جینے کی ہرگز دعا نہ کرتے ہم

نہ ہوتے تیرے تغافل کے ہم اگر کشتے

تو زیر تیغ کبھی دم لیا نہ کرتے ہم

جو داغ سینۂ عاشق نہ مشعلی ہوتا

تو آفتاب سے نسبت دیا نہ کرتے ہم

jo dil mein khun-e-tamanna kiya na karte ham

tu misl-e-shola bharak kar jala na karte ham

agar na kashmakash-e-wahshat-e-junun hoti

tu chak-e-jeb-o-gareban kiya na karte ham

agar na khatir-e-sayyad par giran hote

to yun tarap ke qafas se ura na karte ham

umid naqsh pe ane ki tere gar hoti

tu apne jine ki hargiz dua na karte ham

na hote tere taghaful ke ham agar kushte

tu zer-e-tegh kabhi dam liya na karte ham

jo dagh sina-e-ashiq na mashali hota

tu aftab se nisbat diya na karte ham